💫 फेस झालं बुक अन..
© व्यंकटेश कल्याणकर
🧐 फेस झाले बुक,
अन् कुठच मिळना सुख
आयटीमध्ये ऐटीत जगायची
भागना आमची भूक
आईबापाला केले आम्ही
जिवंतपणी विभक्त
पराक्रमाच्या पोवाड्यानं
सळसळना आमचं रक्त
🌱 तोडली आम्ही तुळस अन्
सोडला आम्ही गाव
कुणाचा कुणालाच इथं
लागना कसा ठाव?
हिरवा कंदिल पेटला की
झाली आमची भेट
पाहिले नाही कित्येक दिवस
सग्यासोयऱ्यांचे गेट
🕺🏼 कसला आलाय सण अन्
कसला आलाय उत्सव
आमच्यासाठी चार भिंतीत
स्वत:चाच महोत्सव
फेस झाले बुक,
अन् कुठंच मिळना सुख
आयटीमध्ये ऐटीत जगायची
भागना आमची भूक...
🍔 वाटलं कधी खावं खमंग तर
ऑनलाईन ऑर्डर
घरात असूनही होऊ लागला
घरच्या चवीचा मर्डर
इंटरनेटवरूनच फिरतो आम्ही
साऱ्या साऱ्या जगात
मग गरज काय कधी
कोणाच्या डोकावयाची मनात
😟 माणूस झाला खूप छोटा अन
इंटरनेट झालं मोठं
एवढ्या मोठ्या जगात
समजेना काय खर काय खोट
फेस झाले बुक, अन्
कुठंच मिळना सुख
आयटीमध्ये ऐटीत जगायची
भागना आमची भूक..
© *व्यंकटेश कल्याणकर*
( _कवितेचे स्वामित्व हक्क राखून ठेवले असून जशी आहे तशी फॉरवर्ड करण्यास हरकत नाही_ )
0 comments:
Post a Comment